اسناا بيضاء

استخدم هالطريقه فوق السنه والنتيجه اسنان بيضه وتلمع وابتسامه روعه وتقدريين تطبقينها وانتي بالبيت وبخمس او عشر دقايق بس


**أول خطوة:
شي مهم تختاريين فرشاة الاسنان تكون نوعية ممتازه ومهم يكون مقاسها ميدييم (وسط)اهي انسب مقاس بحيث ما تكون خشنه على الاسنان وترققهم وبنفس الوقت ما تكون ناعمه فما تزييل البقع والبلاك من على الاسنان ومهم تغسلينها بماي دافي عقب كل استخدام عشان تتعقم ومره بالاسبوع نقعيها لمدة خمس دقائق بماي دافي وملح عشان تتخصليين من الباكتييريا اللي ممكن تجمع عليها ومهم يكون عليها غطى حتى لو كانت تنباع من دون غطاء اشتري نوعية عاديه بغطائها واستخدمي الغطاء عشان ما تتلوث بالباكتيريا والجراثييم وانا هذي النوعية اللي استخدمها






** ثاني خطوة:
بللي الفرشاة بشويه ماء دافئ وبعدها حطي فوقها فحم تنظيف الاسنان وهذا يباع عند الحواج (عندنا في البحرين شرريته من عالم الاعشاب بسوق الرفاع وسعره 500 فلس او اقل) وفركي فييه اسنانج بالطريقه الصحيحه بحيث تاخذيين الفرشاة ابتدائا من اللثه و إلى السن وهكذا في كل الاتجاهات في الفكيين العلوي والسفلي طبعا حلجكم راح ينقلب اسود بس لحد يخترع لانه بمجرد ما تغسلينه ومع المضمضه و أيضامع الخطوات اليايه راح يروح كل اللون وهذا شكل الفحم اللي اقولكم عنه





** ثالث خطوة:
غسلي الفرشاة زين بماء دافئ عشان تتخلصيين من بقايا الفحم وممكن تخصصين فرشاة خاصه للفحم والثانيه لمعجون الاسنان نفس ما انا اسوي او الثنتيين مع بعض بعد مو مشكله اهم شي تنغسل بالماء الدافئ عقب كل استخدام وبعدها استخدمي اي نوع معجون اسنان تحبييين وفركي فيهم اسنانج بالطريقه الصحيحه اللي اهي من اللثه إلى السن بحيث تنظفيين السن من الامام ومن الخلف وعقبها تتمضمضيين بماء دافئ وممكن بغسول اسنان وتغسليين الفرشاة بماء دافئ بعد وهذا مثال بعض انواع الجولجييت اللي ممكن تستخدمينه





**رابع خطوة:
استخدمي معجون اسنان خاص بتبييض وتلمييع الاسنان ويكون من ماركة محترمه ونفس طريقه استخدام المعجون العادي غسلي اسنانج فييه من الامام ومن الخلف في الفك السفلي والعلوي وبعدها تمضمضي زين وغسلي الفرشاة زين بماء دافي وانا هذا شكل المعجون اللي استخدمه(ويباع عندنا في البحرين في الصيدليات وبعض السوبر ماركتات مثل مترو وسعره تقريبا 1.800)





**خامس خطوة:
مسحي اسنانج بمنديل(كلينكس) بحيث تنشفينهم من الماي وشوفي شلون انقلبو بيض ويلمعون من اول تجربه


** سادس خطوة:
ممكن تسويين تنظيف اسنان عند دكتور اسنان كل 6 شهور(وعندنا في البحرين ممكن في العيادات الخاصه او في المراكز الصحيه تاخذيين موعد وبعدها تروحيين تسويين التنظييف ينظفون لج بين الاسنان وتحت اللثه ويخلصونج من الجير والبلاك بشكل حلو.وابتعدي عن المشروبات الغازيه والاطعمة السكريه والحمضيه لانها ترقق الاسنان ولو اضطريتي تشربين بعض الانوع مثل عصائر الفاكهه شربيها بالعود(المصاصه) عشان ما تلامس الاسنان بشكل مباشر وتضعفهم

ترا المنتدى اسمه العناية بالبشرة والشعر والجسم

مافي الأسنان











الكلام مزح في مزح



وثانق يو عالموضوع

مشكوررررررررررره على موضوعك حلوووووو