السلام عليكم ورحمة الله وبركاته
كيفيك ياحلوات؟
صراحه المنتدى مررره رووعه ومن المتابعين له وخاصه قسم الحلويات دائم اخذ منكم
وعاد قلت لازم اوريكم حلى عاد مو انا الي مسويته إختي الكبيره وإن شاء الله يعجبكم
اليوم سيرت على إوخيتي ولقيته تسوي حلا للمدرسه بس اشوى ماكرفتن إلا يوم خلصت قالت قطعيه بما إنتس فاضيه مادومتي
قلت اشكوى لله يالله أقطعه وش وراي
بس طبعا ماصورت إلا إخر شي
حلى القلوب
المقادير+ الطريقه بقولهن مع بعض وإن شاء الله تفهمون
الطبقة الأولى:
2_ بسكويت أولكر حق الشاي مطحون
إصبع زبده
وملعقه كبيرة قشطه
إخلطيهن مع بعض ثم حطيه بالصينيه
الطبقة الثانية:
علبة زبادي
3_فنجان قهوة سكر
7_ فنجان قهوة حليب بوردة
4_ حبات جبن كيري أو مثلث
ذولن حطيهن بالخلاط
ثم حطيهن على البسكويت ودخليه الفرن من فوق إلا أن يتماسك انتبهي المسيه بصبعك زين تاكدي إنه متماسكه<<متعقده كم مره اسوي حلا وينحاس
الطبقه الثالثة والأخيرة:
نصف فنجان قهوة فيمتو
ظرف كريمة
فنجان شاي ماء
على النار 5 دقائق ثم صبيه على الحلى
ودخليه الثلاجه وبعدين قطعيه مثل تسذا<<عادي لاتشرهون علي تطلع لغة القصمان
إن شاء الله أعجبكم كل وحده تعطين رايه وتاخذ قلب معه
وبالهناء والعافيه